- 31 -

1311. Dez. 28. Hainau.

Die Herzoge Boleslaus und Wladislaus bestätigen die Schenkung des Martin Budzywoy von 7 Mark Zinsen an das Kloster Leubus.

In nomine domini amen. Nos Bolezlaus et Wlodizlaus dei gracia duces Slesie dominique Bregenses et Legniczenses cognoscimus et sub attestacione publica fatemur, quod cum fidelis noster dilectus Martinus, dictus Budzywoy, jus successorium in stupa vna balneari et officio vegetico, quod uulgariter schrothampt dicitur, in ciuitate Legnicz, quod nobis debebatur, eo, quod quondam Martinus, qui stupam et officium ab auo et patre nostris pie recordacionis tenuit sibi data et demum uxori sue Lussa dicte, qui (sic) adhuc ipsa obtinet in donacionem propter nupcias tenenda, pro vite sue tempore donauit, taliter, quod post ipsius obitum ad nos reuerterentur, aput nos rite ac racionabiliter pro certa pecunia, quam ab ipso percepimus, integraliter comparasset, Lussa supradicta, ne heredes ipsius, quos Schiplo maritus ejus, quem post primi obitum superduxit, generauit ex ea, ab stupa et officio prenotatis ex hereditate repellerentur, cum Martino antedicto conuenit in hunc modum, quod ipsa cum suis liberis prefata stupam et officium vegeticum hereditarie possiderent, Martino et suis heredibus suprascripto annis singulis septem et dimidiam marcas grossorum regalium denariorum ab hinc in antea dare et soluere promiserunt et sic perpetue stupam et officium praedicta hereditarie possidebunt; intendens igitur Martinus dictus Budzywoy, antescriptus, suorum predecessorum animarum ac proprie salutis remedium vt expedit procurare, constitutus personaliter coram nobis, bona sui corporis valitudine, venerabili ac religioso viro, domino Rudolpho, abbati monasterii sancte Marie in Lubes, ordinis cysterciensium, cui presenti suoque conuentui monasterii ipsius nomine de pecunia prenotata, de voluntate fratrum suorum, septem marcas singulis annis de predictis stupa et officio percipiendas perpetue contulit pariterque donauit taliter, quod prehabita domina Lussa vel quicunque stupam et officium tenebunt prelibata, abbati et conuentui monasterii prehabiti in festo beati Johannis baptiste proximo quartam dimidiam et in festo natiuitatis domini secuturo similiter quartam dimidiam marcam dare perpetue sint astricti. Quam quidem donacionem et peticiones ejusdem Martini confirmamus et dominum abbatem prehabitum monasterij sui nomine personaliter inuestiuimus de percepcione reddituum predictorum. In cujus rei testimonium presentes fieri et sigillis nostris vna cum sigillo ipsius Martini fecimus communiri. Actum et datum in Haynouia, anno domini millesimo trecentesimo undecimo, V° kal. Januarias. Testes huius sunt, Albertus Barth, Albertus Abscachs, Henricus de Silicz, Johannes Csamborn, Stephanus de Parchowicz, Johannes Curzbok et Gerhardus, aule nostre notarius et ceteri fidedigni.

O. d. St. L., No. 10. Das Siegel Herzog Boleslaws an roth- und gelbseidner, das Wladislaws an gelbseidener Schnur; das Siegel Busewoys fehlt, nur die gelbseidene Schnur ist erhalten. — Bitschens Privilegb. f. XXXV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866